Actualités
Alakamisy 26 Septambra 2013
RN4 Ankazobe
> Nisy minibus Mazda voaroba
Fiara minibus Mazda iray nitondra fianakaviana avy any Mahajanga hiakatra aty an-drenivohitra no lasibatry ny mpanakan-dalana tao amin’ny tetezan’i Manankazo, 28km tsy hidirana an’Ankazobe raha avy any andrefana, ny alin’ny talata hifoha ny alarobia manodidina ny tamin’ny 1ora maraina. Voaroba tamin’izany ny firavaka volamena sy ny volan’ireo tao anaty fiara. Efa-dahy ireo jiolahy ary mirongo basy. Taloha kelin’io dia nisy fiara sprinter iray nandeha irery avy any Ambondromamy hihazo an’Antananarivo efa saika lasibatra. Nanao tampody fohy avy hatrany anefa ny mpamily vao nahita vatan-kazo nitsivalana teo amin’ny arabe ary namonjy niverina tao Mahatsinjo, niandry fiara hafa hiara-dalana, ka nieren-doza. Niezaka niantso ny laharana 119 ny mpandeha tao, nampandre ny zandary amin’ny fisian’ireo mpanakan-dalana, nefa nifanilihan’ny tao Maevatanana sy Ankazobe ny raharaha, ka valalanina ny rehetra.
JD
Tia Tanindrazana
Samia mijoro ho an'i Gasikara.
Ao amin’ity sokajy ity ihany : Actualités
.jpg)
-
Famindrana mpivarotra
- Talata 12 Mey 2026
-
ROVAN' AMBOHIDRATRIMO
- Talata 12 Mey 2026
.jpg)
-
Mbola tazonina i Naivo Raholdina
- Talata 12 Mey 2026
(1).jpg)
-
Filazana fa tsy mahazo
- Talata 12 Mey 2026
.jpg)
-
TSENA ETSY AMIN'NY
- Talata 12 Mey 2026
.jpg)
-
Tontolon’ny fitsarana
- Talata 12 Mey 2026