Actualités

Rivodoza �Hellen� Sady namono no nanapotika

Actualités
Alakamisy 03 Aprily 2014

Namela takaitra tamin�ny ilany andrefan�ny Nosy iny ny rivodoza �Hellen�, araka ny tarehimarika voaray mantsy dia olona 3 no maty, 8 tsy hita popoka ary mahatratra 1 539 ireo niharam-boina, 1 204 kosa ireo tsy manan-kialofana.

Ny faritr’i Boeny no tena voa mafy tamin’ity indray mitoraka ity. Tao Mahajanga dia nampihoron-koditra ny mponina ny nahita ny ranomasina tonga hatreny an’arabe. Nahery vaika ny rivotra sy ny orana nentin’ity rivodoza ity ka noho izany indrindra dia tanimbary 5 515 ha sy tanimboly 114 ha no dibo-drano tanteraka, EPP iray no rava tanteraka, 2 niala tafo ary roa hafa nahitana fahasimbana. CSB 1 no simba, tranom-panjakana 4 no tsy misy tafo intsony. Omaly moa dia nitarika delegasiona avy amin’ny fitondram-panjakana ny praiminisitra Omer Beriziky nijery ifotony ny zava-nisy tany Mahajanga, nampahery ary nitondra fanampiana ho an’ireo niharam-boina ihany koa.