Actualités

Ravelonanosy Mamy Tiana Koa mitohy ny tolona

Actualités
Alatsinainy 05 Aogositra 2013

Nitohy tao an-kianjan’ny Magro Behoririka ny sabotsy 03 aogositra teo ny fanehoan-kevitra nataon’ny Zanak’i Dada, mikasika ny fifidianana, fanavoazana ny CES, ny hevitry ny iraisam-pirenena. Hatao fitaovana politika ve no tanjona amin’io fanaovana CES vaovao io, hoy ny CT Ravelonanosy Mamy Tiana. Tsy tafavoaka mihitsy ny firenena iray rehefa fitaovana politika ny fitsarana, hoy izy. Notsoriny fa fifidianana diplomatika no eritreretin’ny iraisam-pirenena hatao fa tsy demokratika. Tsy havaha ny krizy anefa izany, hoy ity filohan’ny vondrona parlemantera ankolafy Ravalomanana eo anivon’ny Kongresin’ny tetezamita ity. Koa mitohy ny tolona satria mbola tsy tratra ny tanjona, hoy ity farany. Nanamafy ny CT Ralaimampisainarinony Manoela raha fifidianana eken’ny rehetra no atao dia mila an’i Lalao Ravalomanana ao anatin’ny lisitra.

RHR