Actualités

Rasolosoa Dolin Rehefa tsy tafavoaka mihitsy vao dinihana ny soso-kevitry ny GIC-M

Actualités
Alarobia 24 Jolay 2013

Ho an�ny jeneraly Rasolosoa Dolin, filohan�ny Filankevitra ambonin�ny tetezamita, dia tsy misy afa-tsy ny fiainana ny soatoavina Malagasy dia ny fifampiresahana no lalana mitondra vahaolana ho an�i Madagasikara.

Aminy dia mila mikaondoha indray mandeha farany ireo tomponandraikitra rehetra eto amin’ny firenena miaraka amin’ireo mpanao sonia ny tondrozotra, ireo kandida, ny FFKM. Ao anatin’izany fivoriana izany no andinihana tsirairay ireo heverina fa sakana. “Eken’ny rehetra ve ny firotsahan’ny kandida 3 ? Raha eny dia ho zakan’ny enti-manan’ny fanjakana ve ny fifidianana tsy misy ny GIC-M ? Hahazo fankatoavana ve isika amin’izay ? Rehefa tsy tafavoaka amin’ireo soso-kevitra isan-karazany ireo isika dia tsy manan-tsafidy ka tsy maintsy aroso atao lahadinika ao anatin’ilay fikaonandoha ny soso-kevitra 7 avy amin’ny GIC- M”, araka ny hevitry ny jeneraly Rasolosoa Dolin. Nanao veloma azy moa ny masoivohon’ny Rosia izay handao an’i Madagasikara tsy ho ela rehefa niasa sy nonina teto hatramin’ny taona 2006.

Yves