Rasambozafy Cyrille

Partagé sur :
• facebook

Ho fampiharana ny tany tan-dalàna eto Madagasikara dia takianay, hoy Rasambozafy Cyrille mpiara-mitantana ny Fikambanan’ny Maintimolalin’ny Oniversiten’i Madagasikara na AAUM, ny fampiharana ny “mandat impératif” eny anivon’ny Antenimieram-pirenena ka horoahina izay solombavambahoaka tsy manaja izany fa mifindrafindra toerana manao fitan-droa. Notsiahiviny fa efa nihoatra ny 90 ireo solombavambahoaka vita fifanarahana an-taratasy, nilaza ny fiarahany tamin’ny MAPAR teny amin’ny Hotely Paon d’or Ivato, vao herinandro vitsy izay. Rehefa tonga teny Tsimbazaza anefa dia 75 sisa no nandany ny filohan’ny Antenimiera avy ao amin’io vondrona io. Tsy hita sahady izany ny 15 tamin’ireo nanao sonia. Novakian’ny PMP bantsilana koa fa depiote 95 no nanasonia ny fanolorana ny Dr Jules Etienne ho praiminisitra. Ny alarobia teo indray anefa dia mbola nisy depiote 75 niara-nivory tamin’ny MAPAR tao Tsimbazaza, araka ny filazan’ny mpitantana azy. Ankehitriny, rehefa nivoaka tao amin’ny efitrano fivorian’ny Antenimieram-pirenena koa ry zareo dia heno fa niara-nivory tamin’ny PMP teny Ankorondrano indray. Araka izany dia tena mahamaika ho anay AAUM, hoy Rasambozafy Cyrille, ny tokony hanaovan’ny Bianco fanadihadiana ao amin’io andrim-panjakana io mba hanazavana ny resabe nandeha nikasika ny fividianana vato tamin’ny karazam-pifidianana tao sy ny fitsipahan’ny depiote sasany ny voalaza ho soniany, tamin’ny fanoloran’ny PMP praiminisitra teo.

Tia Tanindrazana

Samia mijoro ho an'i Gasikara.