Actualités

Rangahy nifoka rongony be loatra Ny zanany vavy ihany no naolany

Actualités
Talata 17 Mey 2022

Tena mampidi-doza ny fifohana rongony. Rangahy iray 35 taona no nahavita nanolana ny zanany vavy naterany vokatr’izany tany amin’ny faritra Betsiboka.

Nisara- panambadiana ity lehilahy ity ary niara-nipetraka tamina vehivavy hafa sy ny zanany vavy 08 taona. Nanamparany ny filan-dratsiny tao anefa ilay zanany vavy ka ny manodidina no niantso Polisy. Nisambotra azy avy hatrany ny mpitandro ny filaminana taorian’izany. Rehefa natao ny fanadihadiana dia voaporofo fa niharan'ny fanolanana tokoa ilay zanany vavy ary fantatra ihany koa fa mpifoka rongony gaigilahy ny rain'ilay zaza . Tsy hita eny ivelany moa ny mpifoka rongony. Ny fihetsika hataony sy ny fofona avy aminy amin’ny ankapobeny no tena hahalalana azy ireny ankoatra ny fahitany ny zavatra mifanohitra amin’ny fahitan’ny maro raha araka ny fanazavan’ny mana-pahaizana.
Pati
Legende : Ity ilay Rangahy nahavanon-doza