Actualités

Ramatoa mipetra-drery Nisy saika handoro tao an-tranony

Actualités
Zoma 06 Mey 2016

Trano iray vita amin�ny hazo, ao amin'ny Fokontanin'i Ambohitrabo ao Farafangana renivohitra, no saika hisy handoro tamin'ny solika ny alin'ny 3 mey hifoha ny 4 mey tokony ho tamin'ny 12 ora alina.

Norarahan'ny olon-dratsy solika ary nasiany bozaka ny andrin-trano manodidina rehetra dia avy eo narehiny. Soa ihany fa nalaky taitra ilay ramatoa tompontrano, izay irery tao an-trano, raha naheno ny akoho nikoraraika satria ny tranony mifanila amin'ny tranon'akoho. Mbola azo novonoina haingana ny afo, ka tsy niitatra raha tsy izay zava-doza no nitanga. Mipetraka ny fanontaniana, sotasota sa tena asan-jiolahy ity doro trano niniana natao ity ?

Jean D.