Actualités

Raharahan�ny oniversite Mbola manjavozavo tanteraka

Actualités
Talata 10 Mey 2011

Raha nambara ombieny ombieny fa efa niravona ny olana eny amin’ny anjerimanontolo, ka efa misokatra ny fisoratana anarana ho an’ireo mpianatra hanohy fianarana dia mbola baraingo raha tena hanomboka mialoha ny 16 mey tokoa ny fampinarana. Mahatsaro manko ireo mpianatra fa nivadika tamin’ny fanekeny ny minisitry ny FAT misahana ny fampianarana ambony. Nambaran’ity farany fa ny daty hianaran’ireo mpianatra no heverin’ny ministera havoaka fa tsy ny fampianarana no hanomboka mialoha io daty io.

Tsy izany anefa no nifanarahana fa ny fanombohan’ny fampianarana mihitsy. Ankilan’izay koa, ny SECES dia nilaza fa hevitry ny minisitra samirery iny filazana ny famoahana ny daty iny fa tsy nifanarahana tamin’ireo mpampianatra. Raha hita ny marimaritra iraisana, hoy ireto mpampianatra mpikaroka ireto dia vonona ny hampianatra tokoa izy ireo. Ny mpianatra moa dia mazava ny teniny fa dia tsy ho tompon’antoka amin’izay zavatra hiseho aorian’ny 16 mey, raha tsy manomboka ny fianaran’izy ireo.

Nangonin’i Soa