Raharaha fanotofan’ny karana tany ny lemak’Antananarivo

Partagé sur :
• facebook

Voaantso teny amin’ny Polisin’ny Faritanin’Antananarivo teny Ambohidahy omaly i Rafanomezantsoa Jean Nirina namaly ny fanontaniana napetraka taminy mikasika ny resaka fifofoana ny ainy ataona teratany karana noho ny resaka fanotofana tany sy fananganana tamboho ataon’ity farany izay noporofoin’iry voalohany fa tsy ara-dalàna sy tsy nahazoan-dalana velively.

Vokatry ny fandefasako taratasy tany amin’ny Prezidansa sy tany amin’ny ministeran’ny fitsarana ary ny ministeran’ny polisy mahakasika an’io rahahara io no nampiantsoana ahy hitondra fanazavana misimisy kokoa, hoy ity filohan’ny Hafari Malagasy ity ka hisaorana etoana ny ministry ny polisim-pirenena nanam-piniavana ka sahy nanokatra ny fanadihadiana mikasika ity raharaha ity. Manjakazaka loatra noho ny fireharehany amin’ny fananam-bola sy fahalalana mpitandro ny filaminana ary mpitsara ambony ity teratany karana ity, hoy i Jean Nirina nefa izahay dia tsy hihemotra hatramin’ny farany amin’izany resaka « trafique d’influence » izany, mbola miampy famoronana « dosie » hanasoketana anay. Eto aho, dia milaza amin’ny tompon’andraikitra mahefa eto amin’ny firenena fa efa ho avy izao ny fotoam-pahavaratra ka tsy maintsy ho hita eo ny vokatr’ity fanotorana fahatany ny lemak’Antananarivo ity ary ny mahagaga ao anatin’izy io dia tafavoaka amin’ny fisavana ataon’ny mpitandro ny filaminana ireo fiarabe mitatitra ny tany hanotofana ny honahona amin’ny andro antoandro be Nanahary nefa dia voararan’ny lalàna hatreto ny fanaovana izany.

Tia Tanindrazana

Samia mijoro ho an'i Gasikara.