Actualités

Raharaha ALMA Nahemotra tamin�ny ora farany

Actualités
Alarobia 27 Aprily 2011

Nahemotra tamin’ny ora farany indray ny fanaterana ny antontan-taratasy mikasika ny raharaha orinasa ALMA teny Ambohimahitsy. Araka ny loharanom-baovao dia misy zavatra hafa tiana hatao indray mitohy amin’ity resaka ity. Raha tamin’ny alakamisy mantsy no natao ny fisavana ity orinasa ity dia ny ampitso, izany hoe ny zoma dia nosavaina ihany koa ny tranon’ny zanaka vavin’ny filoha Ravalomanana Marc eny amin’ny La Haute. Arahina akaiky izay fivoaran’ity toe-draharaha ity.

Mikasika ireo olona 7 izay voarohirohy dia nilaza ny sasany tamin’izy ireo fa noterena hilaza zavatra tsy fantany akory. Anisan’ireny ny hoe efa nisy tamin’ireo lazaina fa baomba sarona tao amin’ny orinasa no nampiasaina tamin’ny zavatra hafa. Tsy nilaza inona anefa ireo olona satria tsy nisy nahalala mikasika izany izy ireo. Na ny fisian’ireo lazaina fa baomba ireo tao anatin’ity orinasa ity aza dia nolazain’ireto mpiambina ny orinasa ireto fa tsy fantatr’izy ireo akory.

Rakoto Maxime