Actualités

Raharaha Air Madagascar Niditra an-tsehatra ny Antenimierandoholona

Actualités
Alarobia 01 Jona 2016

Nisy fivoriana mikaton-trano niarahan�ny Birao maharitry ny Antenimierandoholona notarihin�ny filohany Rakotomanana Honor� an-daniny sy ireo delegen�ny mpiasa voaroaka teo anivon�ny kaompaniam-pitaterana ana habakabaka

Air Madagascar tarihin-dRabarilala Rado, an-kilany, notanterahina tao amin’ny lapa maitso Anosikely omaly maraina. Tsy nisy nipika ny dinika. Re tamina loharanom-baovao akaiky ny mpiasan’ny Air Madagascar fa resy lahatra ny Birao maharitry ny Antenimierandoholona fa tsy hambom-po no hanimbana ny orinasa na hamotehana ny firenena, vokatry ny tsy fampiharana didim-pitsarana mamerina ireo mpiasa efa-dahy noroahin’ny foibem-pitondran’ny Air Madagascar teo anivon’ity kaompaniam-pitaterana ana habakabaka ity taorian’ny grevin’ny mpiasa tamin’ny taon-dasa. Handefa tolokevitra an-tsoratra any amin’ny mpanatanteraka ny Birao maharitry ny Antenimierandoholona hamahana ity olana mitarazoka, miantraika amin’ny fihodinan’ny orinasa Air Madagascar ity. Ho hita eo indray ny tohin’ity raharaha ity.

Jean D.