Actualités

Rafanomezantsoa Georges “Tsy hisy hanana tombontsoa amin’ny ady”

Actualités
Zoma 11 Martsa 2022

Am-pahendrena amiko ny fanamboarana na fanovan’ny filoham-pirenena governemanta, hoy ny mpanao politika sady mpandrindra teti-pivoarana na “planificateur”,

Rafanomezantsoa Georges. Iaraha-mahita, hoy izy, fa maro no mangataka an’izany na ny eto an-toerana ary na ny sehatra iraisampirenena koa aza angamba inoako fa mangataka izany. Miankina amin’ny filoham-pirenena manokana ny fotoana sy olona hampidirina anatin’izay. Izy no mahalala ny mety sy tsy mety mikasika an’izay. Manana ny vina napetrany izy ka tokony hanatanteraka an’izay ny minisitra apetrany eo mba hananan’ny vahoaka Malagasy fitokisana aminy. Mikasika ny ady any Okrainina sy Rosia aloha amiko dia tsy hisy hanana tombontsoa amin’izany na iza na iza. Tsy dia ilaina noho izany ny hanomezan’I Madagasikara ny heviny hoe homba ny andaniny na ankilany. Ny fianakaviambe iraisampirenena no mibaiko an’io ary mino aho fa tsy ho lasa lavitra loatra ilay ady. Ny raharaham-pirenena no tokon’ny hifantohan’ny firenena tsirairay avy satria samy ho potika ny toekaren’ny rehetra raha miditra amin’izany, hoy hatrany ny tenany, ary tsy hiditra amin’izany ady lehibe fahatelo izany ny firenena mikambana satria efa hita ny voka-dratsin’ny ady lehibe voalohany sy faharoa.
J. Mirija