Actualités

Radio Miara-manonja Miainga avy any Soamahamanina anio

Actualités
Alarobia 20 Jolay 2016

Hiainga vao maraina eto Antananarivo ka hihazo ny lalam-pirenena voalohany ho any Soamahamanina anio ny mpanao gazety mivondrona ao anatin�ilay hetsika miady ho amin�ny fanajana ny fahalalahana maneho hevitra.

Hijery ifotony ny zava-misy marina any Soamahamanina ny mpanao gazety, hanadihady ny fiainan’ny mponina amin’ny ankapobeny sy ny momba ilay fikasan’ny Sinoa hitrandraka volamena, izay efa naaton’ny fanjakana amin’ny fomba ofisialy moa. Mitohy ny tolona mandra-pahatanteraky ny tanjona napetraka, hoy i Fetra Rakotondrasoa, izany hoe ny fanatsarana ilay lalàna mifehy ny fifandraisana. Nanohana anay tamin’ny tolona nataonay teto Antananarivo tamin’ny herinandro lasa teo iny ny vahoakan’i Soamahamanina ka rariny sy hitsiny raha mitondra ny anjara birikiny manohana azy ireo ihany koa ny mpanao gazety, hoy ny fanazavana voaray teny amin’ny Villa Pradon omaly maraina nandritra ny fivoriana nitaterana ihany koa ny akon’ny fihaonana teny amin’ny Masoivoho Amerikanina ny sabotsy lasa teo. Hiainga any Soamahamanina izany anio ny Radio Miara-manonja.

Nangonin’i RTT