Actualités

Port Voh�mar Nanjavona ny lavanila 6T saika haondrana

Actualités
Sabotsy 16 Martsa 2013

Nanjavona tampoka tao amin’ny seranantsambon’i Vohémar ny lavanila 243 baoritra, milanja 6 taonina sy 75kg efa tao anaty kaontenera tokony haondrana any ivelany. Orinasa roa samihafa no tompon’ny entana, ary omaly zoma 15 martsa no tsikaritra ny fahaverezana. Efa tapabolana nijanonana tao an-tseranana ireo lavanila ireo, ary eo ampiandrasana indrindra ny sambo handefasana azy any Hamburg (Alemaina) sy Baltimore (Etazonia) no izao very tampoka izao. Nosokafana avy hatrany ny fanadihadiana hamantarana ny antony sy izay tompon’antoka tamin’ny fahaverezan’ireto entana ireto.

Nangonin’i Jean D.