Actualités

Pasitera Edouard Tsy mila olona miovaova hevitra ny tolona

Actualités
Alarobia 16 Martsa 2011

“Tsy hay isika raha akanga sisa nanamborana na akanga sisa hosamborina”, hoy ny Pasitera Edouard tetsy amin’ny kianjan’ny Magro Behoririka omaly talata 15 martsa. “Mbola misy ihany ny tsy mino fa handresy ny ankolafy 3”, hoy izy izay nampahatsiahy fa tsy vavaka hahazoana seza no atao eto fa vavaka hanavotana ny firenena. Tsapa ankehitriny fa mpaminany Ravalomanana, ireo olona rehetra voafidy tamin’ny anarany na natolony dia tiany hotsarain’ny vahoaka ka fantatry ny vahoaka ankehitriny fa tsy Ravalomanana no ratsy. Ny politika dia miaraka amin’ny vahoaka foana.

Tsy mila olona miovaova hevitra ny tolona ary ny marina tsy mba maty. Ho “surprise” ho an’ny FAT ny valin-teny avy any ivelany”, hoy izy. Voaporofo kosa izao, hoy i Désiré Rakotondramanana fa ireo nanoso-potaka an’i Tonton Ambroise ho mpamadika ka nahatonga azy hanorina ny FRDL no tena namadika an-dRavalomanana. Ankoatra izay dia mitohy ny fitetezana ireo masoivoho vahiny hanaterana taratasy milaza ny tokony hanatanterahana fihaonana an-tampony iarahan’ireo mpitarika ankolafy atao eto Madagasikara, hikatsahana miaraka ny vahaolana hamaranana ny tetezamita.

Manohy