Actualités

Pasitera Edouard Tsarahame Vonona hitondra ny baolina

Actualités
Alakamisy 14 Aprily 2011

Nahagaga sady nahafaly no naharavo ny mpitolona tetsy amin’ny Magro Behoririka omaly ny fiakaran’ny Pasitera Edouard an-dapihazo niaraka tamina fanamiana mpanao baolina ambony ambany. Tsy nataotao foana izao fitafiana izao, hoy ny lehilahy fa milaza ny faharisihana hanao zavatra. «Izaho dia miteny fa vonona. Misy fitsipika daholo ny zavatra rehetra, na politika aza, fa ny tanjona dia fampandrosoana firenena. Raha ny sonia no hoe hanavotra firenena dia izay no fitsipika. Rajoelina dia nivadika tamin’ny fanekena tamin’ny Iraisam-pirenena sy tamin’ny vahoaka ka mahazo karatra mena. Karatra mavo in-droa tsy mahazo miverina eto intsony kosa ny an’ireo nivadika», hoy i Pasitera Edouard. Toa efa nanoritsoritra ny lalan-kombana amin’izany fitondrana vaovao izany kosa ny mpitari-tolona Camille Mektoub izay nilaza fa mipetraka mialoha mialoha ny fanambaran’ny SADC amin’ny 20 na 28 mey ny tetezamita tena izy. Tsy afaka matory isika, toy ny any Soudan, ny prezida voasazy nefa afaka mandehandeha.

Manohy