Actualités

Orinasa La Gastronomie Pizza Namboly zanakazo 10 000 teny Soavohitra

Actualités
Talata 02 Martsa 2021

Notontosaina omaly teny Soavohitra Manakambahiny PK25 tsy lavitry ny Kaominina Alakamisy Anosiala (RN4)

ny fambolen-kazo ny groupe IGP International Gastronomy Pizza) eto Antananarivo. Mpiasa miisa 300 no namboly zanakazo 10 000 isa mahery (acacia sy mentalys) tamin'ny ampahan-tany 7 ha mahery izay an'ny groupe IGP ihany. 7 taona mifanesy izao ny groupe IGP no nanatanteraka fambolen-kazo tahaka izao ary misy kaomisionina manokana najoro hanara-maso ny fitomboana sy fanirian'ireny zanakazo nambolena ireny. Ny groupe IGP dia manentana sy mandrisika ihany koa ny isambatan'olona, ny sekoly, ny orinasa tsy miankina, ny fikambanana sy ny fiarahamonim-pirenena hanao toy izany ho fiarovana ny tontolo iainana sy hampilamina ary hampirindra ny toetr'andro, hoy ny fanentanana avy amin’io vondron’orinasa io.

Toky R