Actualités

Olona matin’ny ranotrambo tany Isalo Horaisin’ny ministera an-tanana ny fampodiana ireo razana

Actualités
Alatsinainy 21 Martsa 2022

Noraisin’ny Ministeran’ny fizahantany an-tanana ny fampodiana ny vatana mangatsiakan’ireo teratany Malagasy namoy ny ainy vokatry ny ranotrambo nandalo tampoka tao Isalo tamin’ny faran’ny herinnadro teo ka nahafatesana

olona miisa 5. Ny Masoivohon’ny Frantsa kosa no hisahana ny fikarakarana ireo tera-tany frantsay, hoy hatrany ny vaovao. Raha tsiahivina kely ny tantara dia ny zoma lasa teo tamin'ny 1ora sasany no tratran'ny ranotrambo teny am-pitsidihana ny circuit Namaza izy 6 mianaka. Mpivady Frantsay sy Malagasy sy ny zanany vao herintaona mahery ny telo. Ny renin'ilay vehivavy sy ny anadahiny ary ilay mpisera dia kosa ny iray. Tsara ny andro ny maraina fa avy tampoka ny orana nony hariva hoy hatrany ny vaovao ; izay no niteraka ny ranotrambo tampoka ka nitarika ny loza. Hisy moa ny fifanatonana eo amin’ireo rafitra misahana ny fizahantany eto amintsika amin’ity herinandro ity (ministera, ONTM, ORT, MNP, CTM, FNG, ANG) hahafahana mandinika sy mametraka ireo fepetra rehetra tsy maintsy ampiharina mba hisorohana ny loza tahaka izao. Tao amin’ny tranom-pokonolona Ranohira no nandrasana ny razana.
Nangonin’i Pati