Actualités

Nosy manodidina Noraketina ho valan-javaboahary Frantsay ny Nosy sambatra

Actualités
Zoma 11 Jona 2021

Mandeha ny mandeha, hoy ny fitenenana. Isika Malagasy variana amin’ny fifaninanana eo amin’ny filoha teo aloha sy ankehitriny

ary fitokanana kianja etsy sy eroa. Ny firenen-kafa, etsy ankilan’izay, efa mahavita mandrakitra an-tsoratra ho lasa tena fananany ireo heverina fa harenantsika. Tsy ny ady tany amin’ny Karana sy ny ady hevitra hatramin’izao momba ny lalana hifehy ny zom-pirenena ihany no resaka eto fa dia noraketina ho valan-javaboahary frantsay faha 170 koa izany izao ny Nosy sambatra na Iles Glorieuses, izay isan’ireo nosy manodidina an’I Madagasikara na Iles Eparses. Navoaka ny 8 jona teo ny didim-pitondrana frantsay mamaritra izany, raha ny tatitry ny gazety Le Monde. Navoaka tamin’ny gazetim-panjakana kosa izany omaly. Mirefy 4,3km² moa ity nosy ity 43.700km² ny ranomasina manodidina azy izay voakasik’ity didim-pitondrana ity.

J. Mirija