Actualités

Mponina eny Nanisana Ampasampito Roa andro isam-bolana no tsy mahazo jiro

Actualités
Talata 12 Jolay 2016

Roa andro isam-bolana raha kely indrindra no tsy mahazo herinaratra ireo mponina eny Nanisana Ampasampito na dia tsy mitsaha-miakatra aza ny vidin-jiro ankoatra ny delestazy mahazatra izay saika misy isan�andro ihany koa

. Noho ny haratsian’ny “transformateur” izay manodina ny tranon-jiro eny an-toerana no voalaza fa antony mahatonga izany. May lava io fitaovana io saingy tsy mbola nisy mihitsy ny fanoloana izany ho vaovao hatreto. Efa im-betsaka ireo mponina eny Nanisana Ampasampito no nitaraina tamin’ny orinasa JIRAMA mikasika izany saingy tsy mbola nisy tompon’andraikitra nidina mihitsy teny an-toerana. Manahy ny mety hisian’ny zava-doza hitranga eny Nanisana araka izany ny mponina raha mbola mitohy ny fampiasana ity “transformateur” may lava ity. Anisan’izany ny mety fipoahan’ireo karazam-pitaovana mandeha amin’ny herinaratra any an-tokantrano izay marihina fa tsy mbola nisy fandraisana an-tanana izay voany hatramin’izay.