Actualités

Mpifoka rongony aseho fahitalavitra Mampiana-dratsy ny tanora

Actualités
Sabotsy 03 Aogositra 2013

Fahitalavitra iray no nanao fanadihadiana manokana ireo tanora mifoka rongony eny amoron’ny farihin’i Masay tamin’ny fiandohan’ity herinandro ity. Anisan’ny nanohina ny ray aman-dreny sendra nahita io fanadihadiana io ny fampisehoana ny fomba fanaon’ireto tanora mpifoka rongony ireto satria zary mampiana-dratsy ny tanora ny fanehoana izany amin’ny fahitalavitra. Ny haino aman-jery dia tokony hanana ny toerana amin’ny lafiny fanabeazana, indrindra ho an’ny tanora amin’izao fotoana sarotra lalovan’ny firenena izao. Misy ny fomba maro azo nanehoana ilay fanadihadiana, fa ny endrika nanehoana ny fomba ahitan’ireo tanora teny amin’ny farihin’i Masay rongony sy ny fomba ataony hialana amin’ny mpitandro ny filaminana dia sary ratsy sy lasa fampianaran-dratsy ny tanora.

Nofy R.