Actualités

MPIASAN’NY KAOMININ’I TOAMASINA “Tara lava ny karama, esory ireo manaonao foana”

Actualités
Zoma 06 Aogositra 2021

Tara lava ny karaman’ireo mpiasa eo anivon’ny kaominina ambovohitr’i Toamasina. Mahatsiaro ho tena sahirana izy ireo noho izany, antony nanaovana fitokonana omaly.

Raha araka ny fantatra dia ny mpiasa raikitra karama noraisina farany tamin’ny volana Aprily 2021, ny journalier volana Jolay 2020 no tena miaina izany. Raha araka ny fitarainan’ireto farany dia vokatry fitantanana gaboraraka no mahatonga izany. Ny kominin’i Toamasina I anefa hoy izy ireo no kaominina manana fidiram-bola betsaka indrindra manerana an’i Madagasikara. Fanampin’izay hoy ireo mpiasa dia efa tsy takona afenina tahaka ny vay an-kadrina ny fitarainam-bahoaka ao Toamasina ny amin’ny hafitsoky ny tomponan’andraikitra sasan-tsasany eo anivon’ny kaominina ny amin’ny fihetsika tsy voahevitra hataony eo am-panatanterahana ny asany. Takian’ireto mpiasa ireto amin’ny Ben’ny tanana araka izany ny tokony hanoloana ireo tompon’andraikitra izay heverina fa tsy vonona ny hampandroso ny tanana ireo.
Nangonin’ i Pati