Actualités

Mpianatra 17 taona voatazona am-ponja Nidina an-dalambe mitaky ny hamoahana azy ireo mpianatra namany sy ny ray aman-dreny

Actualités
Alarobia 26 Martsa 2014

Manohitra ny didy savaranonando navoakan�ny fitsarana itazonana am-ponja tovolahy mpianatra iray, 17 taona, izay voampanga ho nametaveta zaza dimy taona ny faran�ny herinandro teo ny ray aman-dreniny.

Nanao fitokonana teo anoloan’ny Lapan’ny tanàna ireo ray aman-dreny sy ny mpianatra ao amin’ny sekoly ianaran’io zazalahy io izay niafara tamin’ny fidinana an-dalambe ny talata maraina, nihazo ny lapan’ny Fitsarana hitaky ny famoahana io zazalahy io. Notsenain’ny mpitandro ny filaminana izy ireo.

Tany ambony taxibe hihazo an’Ambondrona no niandohan’ny tantara. Anisan’ireo mpandeha nahazo seza ka nipetraka ilay tovolahy mpianatra. Nisy mpandeha noraisina an-dalana, nitrotro zaza, ary niangavy azy mba hiampofo io zaza io. Tsy nanda ilay tovolahy. Gaga ny rehetra fotoana fohy taty aoriana, nahita azy nosamborina fa hoe nametaveta ilay zaza.