Actualités

Mpanohana ny fehinkevitry ny FFKM Hamaky ny kianjan�Ambohijatovo

Actualités
Alatsinainy 22 Jolay 2013

Miha manatona ny afovoan-tan�na hatrany ny hetsika tontosain�ireo mpanao fihetsiketsehana mitaky ny fanatontosana ny fampihavanana araka ny fehinkevitra tapaka nandritra ny fikaonandohan�ny FFKM.

Raha teny Andohatapenaka no nanaovan-dry Andriamiseza Alain sy Rasambozafy Cyril fanehoan-kevitra imasom-bahoaka tamin’ny sabotsy 13 jolay dia tetsy Andrefanambohijanahary indray tamin’ny sabotsy farany teo. Mikasa ny haka ny kianjan’Ambohijatovo indray ry zareo amin’io sabotsy ho avy io. Hetsika lehibe ho an’ny fampihavanana no kasaina hatao amin’io ka anentanany ny vahoaka Malagasy tsy ankanavaka. Amin’ireo mpitarika ity hetsika ity dia ny Ffkm ihany no itokiany amin’ny fanelanelanana fa tsy mahavaha olana kosa ny tondrozotra sy ireo mpanelanelana vahiny. Araka ny heviny dia ilaina ny fampihavanana ireo filoha telo sy ny filohan’ny FAT ka asakasak’izay malalay fonosana eo, hoy izy. Itarina amin’ny mpanao politika rehetra izay vonona izany avy eo. Aminy koa dia faranana izao FAT izay soloina Tetezamita vaovao mba hikarakara fifidianana lalàmpanorenana.

Yves