Actualités

Misaona ny hira ara-pilazantsara Nodimandry i Ndriana Ramamonjy

Actualités
Alakamisy 01 Aprily 2021

Nodimandry omaly hariva ny mpanakanto, mpamoron-kira andrarezin’ny hira ara-pilazantsara Malagasy, Ndriana Ramamonjisoa.

Araka ny fampitam-baovao voaray dia isan’ireo lavon’ny valanaretina Coronavirus ny tenany. Mpamoron-kira ho an’ireo mpihira ara-pilazantsara maro, indrindra, ireo nanamarika ny taona 1990, I Ndriana Ramamonjy. Isan’ireo novolavolainy tao anatin’izany ry Hantatiana sy Fara Andriamamonjy. Isan’ireo nametrahany dian-tanana koa ny hira ao anatin’ny fihirana fanampiny FFPM. Malaza indrindra amin’ireny ny “Andriamanitra fitiavana”. Ny taona 2017 ny tenany no notolorana ny mari-boninahitra “Commandeur de l’ordre des arts et des lettres » ary 34 taona nisehatra teo amin’ny tontolon’ny hira ara-pilazantsara sy famoronan-kira fanabeazana maro izy izao nindaosin’ny fahafatesana izao. Mirary fiononana feno ho an’ireo akaiky azy rehetra ny gazety Tia tanindrazana.

J. Mirija