Actualités

Partagé sur :
• facebook

Nifaneken’ireo firenena 2/3 mpikambana ao amin’ny «Southern African Development Community» ny taona 2008 ny fifanarahana momba ny miralenta sy ny fampandrosoana.

Anisan’ny nanasonia izany i Madagasikara saingy tsy afaka nampihatra ireo tanjona 28 voarakitra ao anatiny tahaka ireo Tanjon’ny taona arivo fahatelo izay nifarana ny taona 2015. Goavana indrindra ny fandraisan’anjara 50%-n’ny vehivavy eo amin’ny sehatry ny fanapahan-kevitra ara-panjakana sy ny tsy miankina. Raha tsorina anefa dia nijanona teo amin’ny fankatoavana ny fampitovian-jo sy andraikitra eo amin’ny lahy sy vavy fotsiny ny firenena Malagasy nandritra ny 7 taona maninjitra. Dingana vaovao tsy maintsy hirosoana anefa ankehitriny ny fanavaozana io fifanarahana manome lanja ny fampitoviana lenta ny roa tonta eo anivon’ny Vondrom-paritry ny fampandrosoana ny tapany atsimon’i Afrika io ho fiatrehana ny 15 taona manaraka izay mifanindran-dàlana amin’ny Tanjon’ny fampandrosoana maharitra nofaritan’ny Firenena mikambana hatramin’ny taona 2030. Mijoro ho mpisava lalana sy mpanentana ihany ny firaisamoni-pirenena mpiara-miasa amin’ny Sadc. Miankina betsaka amin’ny finiavana politika hananan’ny mpitondra fanjakana kosa ireo vokatra rehetra andrasana, araka ny fanazavana azo. Tsara ho fantatra fa vehivavy ny 50,3%n’ny mponina eto Madagasikara. Andriambavilanitra avokoa ny 88%-n’ny sandry mpamokatra ary 48% kosa ireo vehivavy teknisianina sy matihanina eto amintsika.

Ramano F.

Tia Tanindrazana

Samia mijoro ho an'i Gasikara.