Actualités

Minisitry ny fitsarana “Tsy misy ambadika politika ny fitsarana mitety vohitra”

Actualités
Zoma 07 Oktobra 2022

Tsy terena ny olom-pirenena sy ny mpitsara mbamin’ny mpiraki-draharaha amin’ny fanatanterahana ny fitsarana mitety vohitra,

anomezana sora-pahaterahana sy karapanondrom-pirenena maimaimpoana ho an’ny olona mbola tsy manana izany, hoy ny minisitry ny fitsarana, Rakotozafy François, omaly 6 oktobra. Tafiditra anatin’ny asan’ny mpitsara io, hoy izy, fa tsy zava-baovao akory. Tsy misy ambadika politika io hetsika io na dia mifanandrify amin'ny fotoana fanavaozana ny lisitry ny mpifidy aza. Ny olompirenena an-tapitrisany tsy afaka misitraka ny zo fototra maha olompirenena azy no tsinjovina, hoy hatrany ny minisitra.
J. Mirija