Actualités

Minisitra Rakotoarisoa Florent Manakiana mivantana ny CENI-T

Actualités
Sabotsy 20 Jolay 2013

Ady tsy vita ny an�ny minisiteran�ny atitany sy ny CENI-T amin�ity resa-pifidianana ity. Nokianin�ny minisitry ny atitany, Rakotoarisoa Florent nivantana indray omaly ny CENI-T ho tsy nahavita namaritra tetiandrom-pifidianana nandritra ny fivoriambe nataony niaraka tamin�ny solontenan�ny Firenena Mikambana sy mpiara-miombon�antoka aminy, teny alarobia ny talata 16 jolay teo.

Efa nanantena ny rehetra fa hisy datinandro nivoaka tamin’io, hoy ny minisitra Rakotoarisoa Florent, ny CENI-T rahateo mamerimberina fa vonona ara-teknika, “nefa indrisy, nandiso fanantenana ry zareo”. Lasa ny eritreritra, hoy ny lehiben’ny Atitany, eo anatrehan’izany, ary mampametra-panontaniana hoe : mahaleotena marina ve ny CENI-T sa baikon’ny vahiny ? Tomponandraikitra amin’izay mety miseho ny CENI-T, hoy Rakotoarisoa Florent raha tsy misy fifidianana amin’ity taona ity, satria efa miandrandra izany ny vahoaka.

Jean D.