Actualités

Minisiteran’ny fitsarana Miatrika atrikasa hatrany

Actualités
Alakamisy 04 Martsa 2021

Tafiditra anaty Veliranon'ny filoham-pirenena, Andry Rajoelina, ny fanatsarana ny fitantanam-bolam-panjakana,

hoy ny fampatsiahivana avy eo anivon’ny minisiteran’ny fitsarana omaly. Ezaka imasoan'ny mpiasa rehetra tarihin'ny Mpitahiry ny Fitombokasem-panjakana sy Minisitry ny Fitsarana, Johnny Richard Andriamahefarivo, izany. Anjaran'ireo tompon’andraikitra rehetra mpikirakira vola eo anivon'ny Ministeran'ny Fitsarana no nandray ireo tale jeneraly rehetra ao amin'ny ministeran'ny toekarena sy ny fitantanam-bola. Atrikasa fiofanana sy fifanakalozana no natao tao amin'ny foibe Frenjy etsy Faravohitra, noho izany, iny omaly iny. Nialoha izao moa dia nisy koa ny talata teo ny atrikasa ho fampiofanana mikasika ny fanatsarana ny fomba fanadihadiana izay notarihin’ireo tomponandraikitry ny DPI na "Direction de la Promotion de l'intégrité". Tanjona amin’izany ny hamolavolàna sy hamoahana torolalana ho amin'ny fanaovana fanadihadiana, raha ny fanazavana hatrany. Ho hita eo tokoa izany izay ho fihatsarany fa dia miatrika atrikasa hatrany aloha ireto mpitsara antsika ireto.

J. Mirija