Actualités

Manga Mila diovina tsara vao hohanina

Actualités
Talata 12 Oktobra 2021

Efa miparitaka eny an-tsena ny manga amin’izao. Ahitana karazany maro mihitsy izy ireny, izay lasa miteraka resabe eny anivon’ny fiarahamonina.

Misy mantsy ireo milaza fa mbola tsy azo hanina ny manga amin’izao fa mankarary noho izy mbola tsy latsak’orana…. Rehefa nanontaniana ny mikasika izany dokotera Fidy Bariniaina dia nambarany fa ny loto avy amin’ny manga sy ny tanana tsy voadio tsara no mety hiteraka aretin-kibo ho an’ny olona iray mihinana azy fa tsy ilay manga tsy latsak’orana akory. Eo ihany koa hoy izy ny fihinanana izany diso tafahoatra na be loatra toy ny hoe : olona iray mety hahalany manga 3 na 5, antony mety hankarary ny kibony ihany koa. Vahaolana aroson’ity dokotera ity araka izany ny tokony hihinanana ny manga araka izay sahaza ny tsirairay. Toraka izany koa ny hanasana azy tsara vao hanina arahin’ny fanadiovana ny tanana mandray sy mifonda ny manga.
Pati