Actualités

Mananara Ville Nijanona tampoka ny fon’ilay mpanao Gym BACC

Actualités
Alarobia 28 Jolay 2021

Mpiadina iray antsoina hoe : Willy, ao amin’ny sokajy D, hiatrika ny fanadinam-panjakana Bakalorea, mpianatry ny lisea ao Mananara ville no fantatra fa namoy ny ainy omaly

teo am-panatanterahana ny adina ara-panatanjahantena. Raha araka ny loharanom-baovao azo dia nijanona tampoka ny fon’ity tovolahy kely ity noho ny antony tsy fantatra. Efa nanao izay azony natao avokoa ny rehetra nanoloana izany toy ny mpitsabo, fikarakarana izay efa nanomboka teny amin'ny kianja nanaovana ny adina hatrany amin'ny hopitaly saingy tsy tana intsony ny ain'i Willy. Tsiahivina moa fa ankoatra ny tsy fahampian’ny fanazaran-tena amin’ny fotoana hanaovana ny adina ara-panatanjahantena tahaka ireny dia marobe ihany koa ireo karazan’aretina mety hipoitra, antony mety hiteraka ny famoizana ny ain-dehibe tahaka izao. Ity no tovolahy faharoa namoy ny ainy teo am-piatrehana ny “Gym Bacc” taorian’ilay tranga tany Moramanga ny 14 jolay lasa teo.
Pati