Actualités

Mananara avaratra Tratra teo am-panolanana vehivavy ilay lehilahy

Actualités
Alarobia 06 Aprily 2022

Lehilahy iray malaza ratsy amin’ny fanolanana vehivavy any amin’ny distrikan’i Mananara Avaratra no saron’ny mpitandro ny filaminana tao Antanatemoro, Fokontany Tampolo afak’omaly alatsinainy 04 Aprily.

40 taona io lehilahy io ary tokony ho tamin’ny 07 ora hariva no nahatrarana azy. Raha tsiahivina kely dia niditra an-keriny tao amin’ny tokantranon’ilay vehivavy 31 taona nametraka fitarainana io lehilahy io ary nikasa hanao bontolo hanolana. Niantso vonjy anefa ilay ramatoa; nanampy avy hatrany ireo manodidina raha vantany vao nahare izany ka voadidina ny trano nisy azy ary tamin’izay fotoana izay no tonga ny Polisy naka azy. Ilay ramatoa saika niharan’ny fanolanana kosa nalefa nanaraka fitsaboana any amin’ny hopitaly Mananara noho ny ratra sy vono nahazo azy .
Pati