Actualités

Manamboninahitra vita fiofanana 69 nahavita ny safidy ny vondron-tafika hisy azy

Actualités
Alarobia 08 Septambra 2021

Mpianatra manamboninahitra miisa 69 mianadahy avy ao amin'ny sekoly mampiofana miaramila (ACMIL) Antsirabe no nandray ny andraikiny amin'ny fomba ofisialy

ao amin'ireo vondron-tafika izay nosafidiny avy omaly 07 septambra teny Ampahibe. Misy amin'izy ireo no nisafidy ny tafika an-tanety, ny tafika an’habakabaka, ny tafika an-dranomasina ary eo anivon'ny zandarimariam-pirenena. Nisy ihany koa ny fanaovan-tsonia ny satan'ny fahitsiana teo amin'ireo tomponandraikitra voalohany ny biraon'ny fiarovana miisa 225 manerana ny distrika. Anisan'ny voarakitra ao anatin'ity satan'ny fahitsiana ity ohatra ny ady amin'ny kolikoly. Tsy misy andoavam-bola ny fikarakarana taratasy rehetra eny anivon'ny birao fiarovana toy ny "position militaire". Asa iandraketan'ireo tomponandraikitra manerana ny distrika ireo raha tsiahivina ny fanomezana alalana amin'ny fitazomana fitaovam-piadiana, ny fitsarana Miaramila, ny fiandry (réserve), sy ny fanisana ny bekotro maro holatra, araka ny fanazavana sy fampitam-baovao.
Toky R