Actualités

Manakambahiny Tratra ilay Ramatoa mpivarotra toaka gasy

Actualités
Alakamisy 19 Mey 2016

Nahazo vaovao avy amin�ny olona tsara sitra-po ny polisy miady amin�ny fidorohana zava-mahadomelina etsy Anosy fa misy olona mivarotra toaka gasy eny Manakambahiny.

Nandeha teny an-toerana avy hatrany ny polisy ny alahady 15 mey teo ka vehivavy iray 52 taona no tratra teo am-pivarotana. Tratra niaraka taminy ihany koa ny toaka gasy fito bidao izay miaty 20 litatra ny iray.Tamin’ny fanadihadiana natao taminy no nahalalana fa sady mivarotra hanimasaka izy no mivarotra toaka gasy. Nilaza ihany koa izy fa olona avy any Ankadindratombo no mamatsy entana azy. Vidiany 2.500 Ar ny iray litatra ary amidiny 3.000 Ar avy eo. Mahalany toaka gasy 5 litatra isan’andro izy ary efa efa-bolana izay no nanaovany ity asa ity.Natolotra ny fampanoavana omaly ilay Ramatoa.