Actualités

Mamy Rakotoarivelo Laniana aminy mihitsy ny 15 andro !

Actualités
Talata 22 Martsa 2011

Mipetraka ankehitriny ny fanontanian’ny mpanara-baovao manoloana ilay famonjana an’i Tsimba sy Misa eny Ambatolampy izay fonjan’ny gadra politika. Heloka politika ve sa heloka bevava no anenjehana azy ireo ? Izao zava-misy izao mantsy dia toa manaporofo fa tena mifandraika amin’ny politika ity fisamborana sy famonjana ity. Endrika iray manome vahana ny olona hihevitra izany fa tena sinema namboarina tokoa iny nitranga teny amin’ny Marais Masay iny mba handetehana an’i Mamy Rakotoarivelo. Momba izany ihany dia mbola mampanontany tena ihany koa ny mampiahotra tampoka ny mpanao fanadihadiana hampakatra ny raharaha eny amin’ny fampanoavana. Tokony ho efa tamin’ny zoma teo izany no notontosaina saingy nahemotra tampoka noho ny antony tsy fantatra. Raha ny tsilian-tsofina re dia hoe taperina mihitsy ilay 15 andro napetraka amin’izay mba hahare hirifiry tsara io mpanao politika, mpitarika ny ankolafy Ravalomanana io...

r.d