Actualités

Malagasy manohana ny fehinkevitry ny FFKM Tsy ho eny Ambohijatovo, fa hivavaka ao Antsahamanitra

Actualités
Zoma 26 Jolay 2013

Manoloana ny toe-draharaham-pirenena ankehitriny, ny Malagasy Manohana ny Fehin-kevitra niarahana tamin’ny FFKM, izay tarihin’Atoa Andriamiseza Alain, ary tohanan’ny fikambanana maro dia miantso ny vahoaka Malagasy ho tonga eny Antsahamanitra ny sabotsy 27 jolay manomboka amin’ny 10 ora maraina. Fotoam-pivavahana ho fangataham-pitahiana ho an’ny firenena sy fankaherezana ny FFKM ary fampirisihina ny Filoha 4 hifamela heloka no lahadinika amin’izany, hoy i Andriamiseza Alain. Etsy an-daniny koa ny fanohanana ny fehin-kevitra nivoaka tamin’ny fivoriana teny Ivato. Nambaran’i Andriamiseza Alain fa Tokony hiray hina hampanjaka ny soatoavina maha Malagasy (fihavanana) ny rehetra raha te hampandroso marina ny firenena. Aminy, tsy mpibaiko ny fianakaviambe iraisam-pirenena fa manoro sy manampy antsika Malagasy amin’ny firosoana amin’ny demokrasia eto amin’ny tany sy ny firenena.

Yves