Actualités

Mahazoarivo Namono olona indray ny polisy

Actualités
Alarobia 28 Martsa 2012

Vono olona nahatsiravina indray no nitranga teny Mahazoarivo akaikin�ny Lapan�ny Primatiora ny alin�ny alatsinainy 26 martsa tokony ho tamin�ny 11 ora. Polisin�ny FIP no nahavanon-doza.

Mitranga izany telo volana taorian’ny raharaha Toliara, namonoana andiana polisy, mpitsara Rehavana Michel, ny 9 desambra 2011. Vehivavy iray, mpampianatra, 25 taona, sy lehilahy iray sakaizany no niharan’ny habibiana. Araka ny fanadihadiana nataon’ny polisin’ny BC mandray an-tanana ny raharaha, niara-nisotrosotro tao an-tranon’ilay ramatoa ry zareo ny maraina mandrapahariva ny andro. Niverina ilay Polisy nony alina ary nitondra basy ka nanatanteraka ny teti-dratsiny. Vadin’ilay mpampianatra teo aloha ity polisin’ny FIP ity ary niterahany zaza herintaona latsaka. Miara-mipetraka amin’ilay vehivavy ny zandriny vavy izay nahita ny tranga. Afa-nitsoaka io ary nampilaza ny Fokontany. Ireto farany indray no nilaza ny mpitandro ny filaminana. Omaly tamin’ny 5 ora maraina, rehefa nosokafana ilay trano dia ny vatana mangatsiaka roa mihoson-dra no niampatra tao an-trano, hitan’ny mpitandro filaminana sy ny Fokontany. Voatifitra teo amin’ny foto-tsofiny, ary maty teo am-pandriana ilay lehilahy, raha voatifitra teo amin’ny lohany ary nihohoka tamin’ny tany kosa ilay vehivavy. Ilay zaza kosa dia nosintonina teo am-pandriana izay velona soa aman-tsara.

Nangonin-dRabeso