Actualités

Mahajanga Nisahotaka ireo mpitsara BEPC

Actualités
Alatsinainy 25 Jolay 2016

Savorovoro ny fanombohan�ny fitsarana ireo taratasim-panadinana BEPC tao amin�ny foibem-pitsarana lisea Philibert Tsiranana - Mahajanga ny zoma teo. Maromaro tamin'ireo mpampianatra tokony hitsara fanadinana no tsy tonga

. Eo ihany koa ny toromarika avy amin'ny minisiteran’ny fanabeazam-pirenena nilatsaka ny marainan’io zoma io namaritra fa tsy maintsy miverina miasa ny sabotsy sy ny alahady ireo mpitsara ireo hanenjehana ny fivoahan’ny voka-panadinana amin’ny 30 jolay, raha roa herinandro eo ny faharetany fotoam-pitsarana ny taratasim-panadinana BEPC hatramin'izay. Manampy trotraka ny tsy mbola nahazoan'ireo mpampianatra ny tambin-karamany hatramin'ny taona 2013 nandritra io fitsarana ny BEPC io. Antony iray heverina ho anisan’ny tsy nahatongavan'ireo mpitsara maromaro hanao izany tamin'ity taona ity. Nangataka ny fanatevenan-daharana ireo mpitsara moa ny lehiben'ity foibem-pitsarana ity, saingy ho sarotra izany noho ny tsy fahampian'ny tetibola handoavan'ny fanjakana ny tambin-karaman’izany, hoy ny fanazavana.

Nangonin’i Jean D.