Actualités

Magro Behoririka Nomem-boninahitra manokana ny reny

Actualités
Alatsinainy 04 Jona 2012

Notolorana lamba fanomezana tsirairay avy ireo reny rehetra maherin�ny 60 taona tonga tao amin�ny Kianjan�ny Magro Behoririka, vehivavy olon-tsotra sy parlemanteran�ny tetezamita no nifandimby nandaha-teny, eny fa hatramin�ny fanentanana an-kira teny an-dapihazo aza mbola vehivavy ihany koa.

Ampahany tamin’ny endrika nanamarihan’ny Zanak’i Dada ny fetin’ny Reny ireo ny sabotsy 2 jona, tao amin’ny Magro Behoririka. Nomem-boninahitra ny Reny tsy ankanavaka tamin’io, ary notsarovana manokana tamin’izany i Neny Lalao Ravalomanana. Tsy mitsahatra mivavaka ho an’ny firenena i Neny Lalao, hoy ny Me Hanitra Razafimanantsoa, raha nandray fitenenana, ary malahelo mafy izy rehefa misy olona mandeha mankany Afrika Atsimo ka hody aty Madagasikara avy eo. Ambetin-tenin’i Neny Lalao, hoy hatrany ny Me Hanitra ny hoe : “Tsy mamela antsika ho irery ny Tompo fa matokisa azy”.

Nangonin’i Jean D.