Actualités

Mafanafana eny Ankatso Hanao �sit-in� ny SECES, miketrika fitokonana ny DEGS

Actualités
Zoma 29 Aprily 2011

Niato ny fitokonana nataon�ireo mpianatra mpitsabo omaly fa miverina indray izany amin�ity anio ity. Mitaky ny famoahana ny datin�andro fanombohan�ny taom-pianarana vaovao moa ireto mpianatra ireto izay nampian�ireo zokiny ao amin�ny taona faha-7 sy faha-8.

Ireto farany indray dia mitaky ny hanomezana ny tambin-karamany hatramin’ny volana febroary. Rehefa tsy navela hanakatona ny vavahady fidirana ny oniversite ireo mpianatra mitokona tamin’ny alarobia teo dia ny lalana mihazo ny faritry ny oniversite indray no nobahanany ka tsy nisy navelany nandeha ireo fiara rehetra. Ho hita eo indray izay hetsika tontosain’izy ireo amin’ity anio ity, taorian’ny antso avo nataon’izy ireo tamin’ny mpianatra Ankatso mba hanatevina ny hetsika ataony. Tsy mbola nahenoana akony anefa izany antso izany hatreto afa tsy ny mpianatry ny Fakliote DEGS izay mampiantso fivorian’ny mpianatra ny 02 mey hanapahana hevitra momba io raharaha io. Etsy anilan’izay koa anefa dia hanao “sit-in” eo amin'ny Esplanade oniversite Antananarivo ny mpampianatra mpikaroka amin’ity zoma 29 aprily ity, manomboka amin'ny 10 ora maraina.

Yves

Sary : Mpitarika ny «Association pédagogique» Fakliote DEGS