Actualités

Madagasikara Resin�ny nosy Seychelles lavitra be

Actualités
Alakamisy 12 Mey 2016

Ireo zava-misy ratsy eto Madagasikara no notanisain�ny sekretera jeneralin�ny Firenena mikambana Ban Ki-Moon nandritra ny fandraisam-pitenenany tao amin�ny Antenimierandoholona Anosikely omaly.

Anisan’izany ny hoe : «mampiasa saina ny fahantrana eto Madagasikara. Tena ambany ny harinkarena ara-toekarena. Ambony be ny tahan’ny tsy fananana asa. Sarotra ny fisitrahana rano. Zaza 3 amin’ny 10 no mba mahatojo ny fanabeazana fototra ary Malagasy iray amin’ny 3 no mahay mamaky teny». Fankasitrahana sy fankaherezana kosa no natolony firenena sy vahoaka seiseloa tamin’ny lahateny nataony tao amin’ny Antenimieram-pirenen’ity nosy kely ato anatin’ny Ranomasimbe Indianina ity ny 8 mey 2016 lasa teo. «Misongadina ny tena demokrasia eto Seychelles», araka ny nambarany tamin’io fotoana io. Notsongaina manokana tamin’izany ny fanapahan-kevitr’ireo depiote nametra ho 5 taona in-droa ny fahafahan’ny filohan’ny Repoblika mirotsaka hofidiana ao aminy. Talanjona amin’ny isan’ireo vehivavy olom-boafidy ao anatin’ity andrim-panjakana mpanao lalàna seiseloa ity izay mitana ny laharana faha-5 manerantany ihany koa, ny lehibe mpitantana ny ONU. Maniry ny hitomboan’ny isan’ny andriambavilanitra solombavambahoaka mandritra ny fifidianana hotanterahana any an-toerana afaka roa volana moa ny sekretera jeneraly faha-8-n’ny Firenena mikambana.