Actualités

Lavanty ao amin�ny Port Toamasina Maro mpisoloky

Actualités
Alakamisy 07 Martsa 2013

Nanova fomba fiasa ny ladoany Malagasy nentina nanatsarana ny fanaovana lavanty eo anivon�ny seranantsambon�i Toamasina.

Na teo aza anefa izany dia tsy kely lalana ireo mpisoloky, maka vola amin’ireo mpiady lavanty amin’ny filazana fa ny “receveur” ny ladoany sy ny vadintany mpanao lavanty no mitaky izany. Olona roa dia i SH milaza olon’ny FAT sy olona iray avy any Antsirabe izay efa “mpibizina”, no efa fantatra hatreto ary efa misy ny fitoriana azy ireo. I SH dia efa in-droa nahazo entana nandritra ny lavanty fa tsy naka izany ka tafiditra ao anatin’ny lisitry ny “défaillants”; ny lavanty natao ny herinandro teo mbola nahazo entana ihany izy ka nolavin’ny mpanao lavanty ary teo no nihavian’ny olana.

Naelin’i SH ny feo fa misy kolikoly ny lavanty ao Toamasina. Ilay faharoa kosa dia ny famoriana olona sy manao fampanantenana amin’ireo mpiady lavanty amin’ny entana tiany no tena fanaony. Maka vola be amin’ireo olona manaiky rebirebeny mihitsy izy. Efa narantin’ny ladoany ho fantatry ny mpiady lavanty ny mombamomba ireto olona roa ireto, sy ireo olona rehetra tafiditra anatin’ny lisitry ny “défaillants”.

Rakoutou