Actualités

Lal�na mifehy ny asa fanaovan-gazety Nihemotra indray ny fanjakana ?

Actualités
Alarobia 01 Jona 2016

Iray volana nivoriana izao ny Antenimiera roa tonta, tsy mbola manarangarana eny Tsimbazaza sy Anosikely ny lal�na vaovao hifehy ny asa fanaovan-gazety eto Madagasikara.

Efa hatramin’ny taon-dasa anefa no nataon’izao fitondrana izao angoatenda ny handrosoana an’io lalàna io eny amin’ny Antenimiera. Mbola anisan’ny lahadinika tamin’ny filankevitry ny minisitra voalohany nandraisan’i Solonandrasana Mahafaly Olivier anjara, taorian’ny nanendrena azy ho praiminisitra ihany koa ny handefasana an’io volavolan-dalàna hifehy ny asa fanaovan-gazety eto Madagasikara io amin’izao fotoam-pivoriana ara-potoana voalohan’ny Parlemanta izao, saingy toa volan-kakafotra izy ity, ny omaly tsy miova fa vao mainka nanao sambo nilentika. Misy loharanom-baovao akaiky ny fitondrana aza milaza fa nihemotra indray ny fanjakana, manoloana ny toe-draharaha politika eto amin’ny firenena amin’izao fotoana isian’ny resaka fikasana hanongam-panjakana. Mbola te hanagadra mpanao gazety sa hanakatona haino aman-jery ? Toa mamofompofona izany rahateo ny fikasan’izao fitondrana izao, hanakatona ny M3FM sy Viva Radio, izay mahabe resaka ao Mahajanga amin’izao fotoana.

Jean D.