Actualités

Lalamby Ankadimbahoaka Lasa toeram-pivarotana ihany koa

Actualités
Alakamisy 14 Jona 2012

Taorian�ireny loza nateraky ny fifamoivoizana an-dalamby nitranga teto amintsika ireny, andro vitsy lasa izay, dia mbola misy ihany ireo olona sahy sy tsy taitra akory ny amin�izany.

Raha manamorona ny lalamby no ahitana ireo mpivarotra be dia be eny Anosibe izay nisarika ilay lehilahy iray hamono tena, herinandro mahery lasa izay dia eo afovoan’ny lalamby mihitsy no anokoan’ity renim-pianakaviana iray ny entany miaraka amin’ireo zanany etsy Ankadimbahoaka. Vomanga sy voasary no amidin’izy ireo. Manomboka amin’ny 07 ora maraina izy ireo dia efa eo. Araka ny resadresaka nifanaovana taminy dia noho ity lalamby ity talaky maso sy be mpandalo no antony mahatonga azy hivarotra eo. Eo ihany koa ny tsy fananany toerana. Ekena fa misy ny olona tompon’andraikitra mampandre rehefa hisy fiaran-dalamby handalo saingy na izany aza tokony hisy ny fepetra manokana raisina mikasika itony karazana trangan-javatra itony. Antso avo, araka izany, no hatao amin’ny tompon’andraikitra mba hijery akaiky izao tranga mety hampidi-doza izao.

Pati