Actualités

Lakana rendrika tao Salary Mpandeha 3 namoy ny ainy, 3 mbola karohina

Actualités
Alatsinainy 07 Jona 2021

Lakana iiray mpitatitra olona, mandeha milina, mirefy 8m ny halavany sy 0,70m ny sakany rendrika tany an-dranomasina ny sabotsy 5 jona 2021

tamin’ny 6 ora sy sasany maraina, tany amin’ny 2km manalavitra an’i Salary niaingany raha nikasa ho any Toliara. Araka fampahafantarana nataon’ny Antokon-draharaha misahana ny fifamoivoizana an-dranomasina sy an-dranomamy na APMF dia nisy mpandeha 32 sy mpanamory 2 no tao anatin’ilay lakana, ka maty vokatry ny loza ny olona 3 tamin’izy ireo izay vehivavy 52 taona ny iray sy zaza 2 taona sy 3 taona. Vehivavy telo hafa, 20 taona ny roa ary 50 taona ny fahatelo tsy hita ka mbola karohina amin’izao fotoana izao. Voavonjy kosa ireo mpandeha miisa 28, anisan’izany ireo mpitondra ny lakana roalahy izay mbola tsaboina any amin’ny hopitaly. Ny fahavesarana tafahoatra sy ny fahapotehan’ny hazo fanary no voalaza fa niteraka ny loza.

Nangonin’i Jean D.