Actualités

Kolikoly sy fanararaotam-pahefana Mpiasam-panjakana iray niakatra Fitsarana tao Manakara

Actualités
Alatsinainy 06 Jona 2016

Niakatra fitsarana tao Manakara ny alarobia lasa teo ny Mpanamarina ny fampiasana ny volam-panjakana ao Manakara.

Voarohirohy amina resaka kolikoly sy fanararaotam-pahefana ity mpiasam-panjakana ity. Naharitra adim-pamantaranandro sivy be izao ny fitsarana tamin’io. Nilaza ny Fampanoavana taorian’izay fa feno ny porofo hanenjehana an’ity mpiasam-panjakana ity ka mangataka ny hampiharana ny lalàna.

Andrasana amin’ny alarobia 8 jona izao ny didim-pitsarana. Solontenam-panjakana, sy “comptable” amina orinasa ary koa vondrona orinasa madinika sy salasalany no nijoro vavolombelona tamin’ity raharaha ity. Samy miandry izay didy hivoaka ny rehetra.

Nangonin’i Jean D.