Actualités

Karaoke gaboraraka Zaza tsy ampy taona 40 voasambotra teny Ambohipo

Actualités
Talata 17 Mey 2016

Anisan�ny toerana tena mafampana amin�ny fandriampahalemana eny Ambohipo eny.

Zaza tsy ampy taona miisa 40 no indray noraofin’ny mpitandro ny filaminana teny an-toerana ny zoma nifoha sabotsy alina teo, ankizy tratra tao am-panaovana karaoke avokoa no sady nisotro toaka. Saika novolena bar avokoa mantsy any anatin’ireny ivontoerana fanaovana karaoke ireny ankehitriny, hisarihana sy hitazonana ny tanora ary tsy miato ny lanonana mandrapaharainan’ny andro, indrindra rehefa faran’ny herinandro. Nihoatra ny tamin’ny 9 ora alina fotoana tokony hikatonan’ny ivontoerana ihany koa no nahatrarana azy ireo ka samy voasazy ny roa tonta. Tsy natao inona moa ireo zaza tsy ampy taona ireto fa nentina teny amin’ny commissariat central Tsaralalana fotsiny mba ho fiarovana ny ainy ary dia nampanantsoina naka azy ny ray aman-dreniny taorian’izay. Tsiahivina moa fa vokatry ny fisian’ireny ivontoerana fanaovana karaoke ireny ho an’Ambohipo manokana dia lasa toerana fitondrana vehivavy ireo trano hazo fivarotana friperie eny an-toerana ka mampitaraina ny maro.