Actualités

Karama tsy azo Hitokona ireo mpandraharaha eny Ankatso

Actualités
Alakamisy 26 Aprily 2012

Hatry ny omaly tsy tonga ny karama volana aprily ho an�ireo mpandraharaha eny Ankatso, raha efa nandray ny azy ireo miankina amin�ny tetibola ankapobeny.

Mpiasa arivo isa mahery no voakasik’ity tsy fandraisan-karama ity raha isaky ny faha-20-n’ny volana no fandraisan’izy ireo izany. Mihitsoka any amin’ny ministeran’ny fitantanam-bola ny vola. Raha ny fanazavana mantsy dia miainga isam-bolana avy any amin’io ministera io ny vola karaman’ireto mpiasa ireto, dia mandalo any amin’ny ministeran’ny fampianarana ambony sy fikarohana siantifika, izay vao tonga eny amin’ny oniversite. Ny zava-misy dia hatry ny omaly tsy mbola nandray karama volana aprily ireo mpiasa ireo, ary dia tapa-kevitra fa hitokona amin’ity anio ity, hitaky ny valin-katsembohany. Ny FAT ihany izany izao no mandrehitra fitokonana. Hafanafana indray izany eny Ankatso eny, izay vao mba nahita filaminana herinandro vitsy lasa izay, manezakezaka mamita taom-pianarana.

Nangonin’i Jean D.