Actualités

Kaominina Ivato � Ambohidratrimo Maneho ny maha vavahadin�i Madagasikara azy

Actualités
Alakamisy 02 Jona 2016

Manomboka miova endrika ny tan�nan�i Ivato. Mahatsapa ny asa mivaingana efa vita ny mponina eny an-toerana,

hatramin’ny nandraisan-dRandrianarisoa Hasiniaina Landry (Penjy) ny fitantanana ny tanàna. Nanomboka tamin’ny fifehezana ny fanadiovan’ny tanàna sy ny fandaminana ny tsena izany, nitohy amin’ny fanarenana sy fanorenana fotodrafitrasa. Anisan’ny vaovao amin’ireny ny nananganana ny "Vavahadin'i Madagasikara" eo amin’ny sampanana miditra ny CCI Ivato sady faritra mampisaraka ny Kaominina Ivato amin’ny Kaominin’i Talatamaty. Nijery ny famitana ny asa teny an-toerana ny Ben’ny tanàna Penjy sy ireo mpiara-miasa aminy ny talata 31 mey teo. Omaly dia nitarika ny hady fototry ny fanamboarana EPP ao Ilaivola izy. Trano misy efitra telo izy ity, miampy fanarenana trano iray may. “Hovitaina ao anatin'ny iray volana ny asa ary volan'ny Kaominina madiodio no hanaovana azy ary hatao manara-penitra ho tombontsoan’ny mponina”, hoy ny Ben’ny tanàna Randrianarisoa Hasiniaina Landry.

Jean D.