Actualités

HJRA Maro ny fandidiana nofoanana

Actualités
Talata 02 Aprily 2013

Tsy mbola mety voavaha foana ny tsy fahampiana rivotra mamelona na �oxyg�ne� ao amin�ny hopitaly HJRA.

Misy ireo marary izay tokony hodidiana no ajanona indray amin’ny fotoana farany. Tamin’ny herinandro mialoha ny fety no nanomboka niseho indray ity olana ity. Raha ny fanazavan’ny fianakavian’ny marary iray dia efa tao anatin’ny efitra fandidiana ny havany no navoaka indray satria tsy ampy, hono, tahirina “oxygène” ananan’ny hopitaly. Nisy marary 4 hafa koa nahemotra amin’ny fotoana tsy fantatra ny fandidiana azy araka io tatitra io ihany . “ Nifampiresaka izahay manana marary tokony handalo fandidiana ka misy mihitsy no milaza fa efa nampatoriana ny havany no navoaka indray”, hoy hatrany ilay loharanom-baovao. Niaiky ny tsy fahampian’ny “oxygène” ao amin’ny Hjra ny tompon’andraikitra iray nanontaniana izay nilaza koa fa ireo marary mila fandidiana maika mandritra ny fety aloha no natao laharam-pahamehana.

Yves